(Japan) 20 th May | 2022 | Friday | 4:07:44 AM || (Nepal) 12:52:44 AM
 
 

कोरोनाले नेपाली बिद्यार्थीलाई जापान आउने अनुमती बन्द-एनओसी पनी रोकियो

sajina moktan   POSTED ON : Tuesday, 03 March, 2020 | Views : 4108

कोरोनाले नेपाली बिद्यार्थीलाई जापान आउने अनुमती बन्द-एनओसी पनी रोकियो


काठमाडौं, नेपाल ।

नेपाल सरकारले कोरोनाका कारण विद्यार्थीलाई जापान आउन रोक लगाएको छ ।

कोरोना संक्रमण विश्‍वव्यापी हुँदै गएपछि उच्च शिक्षा अध्ययनका लागि नेपालबाट विदेश जान चाहने विद्यार्थीलाई जापान सहित सबै देश जान तत्कालको लागि रोकेको सरकारले जनाएको छ ।

अनुमती पाइसकेकालाई समेत जान रोक लगाइएको र अध्ययन अनुमति पत्र (एनओसी) वितरणमा समेत रोक लगाइएको छ।

मन्त्रिपरिषदको निर्णय प्रमाणिकरण भएर नआएकाले कार्यान्वयनमा भने यो साताको अन्त्यसम्ममा आउने शिक्षा मन्त्रालयले जनाएको छ।

शिक्षा मन्त्री गिरीराजमणि पोखरेलका स्वकीय सचिव पुरन केसीले मन्त्रिपरिषद कार्यालयबाट निर्णय प्रमाणिकरण गरेर आएपछि मात्र कार्यान्वयनमा जाने बताए। उनले भने,' निर्णय प्रमाणिकरण भएपछि मात्र रोका हुन्छ, अहिले रोक्‍का भएको छैन।'

कोभिड १९ (कोरोना) भाइरसको त्रास विश्वभर फैलिएपछि त्यता जाने विद्यार्थीको स्वास्थ्य सुरक्षालाई ख्याल गरेर एनओसी रोकिएको मन्त्रालयले जनाएको छ।

कोभिड भाइरस विश्वका ६५ भन्दा बढी मुलुकमा फैलिसकेको छ । विशेषगरी नेपाली विद्यार्थी धेरै जाने जापान, अष्ट्रेलिया, अमेरिका, इटाली, कोरिया, चाइना, मलेसिया लगायतका मुलुकमा यस भाइरसको संक्रमण चर्को रुपमा फैलिएको छ।