टोकियो, जापान ।
जापानका स्वास्थ्यमन्त्री कोइची हागिउदाले कोरोना भाईरसको संक्रमण फैलिएका कारण विद्यालयहरु बन्द हुन थालेको बताएका छन् ।
मंगलबार मन्त्री कोइचीले एजुकेशन बोर्डलाई कोरोना भाईरसको संक्रमण फैलिएका कारण सिमित समयको लागि विद्यालय बन्द गर्न अनुरोध गरेको बताएका छन् ।
मन्त्री कोइचीले होक्काईदो र टोकियो नजिकको चिबा शहरमा कोरोना भाईरसको संक्रमण हुन नदिने उपाय अपनाउनेबारे त्यहाँको शैक्षिक बोर्डसँग छलफल गरेका छन् ।
मन्त्री कोइचीले होक्काईदो र चिबामा कोरोना भाईरसको संक्रमण पाइएको क्षेत्रमा केही विद्यालयहरु बन्द भएको पुष्टि गरेका छन् ।
संक्रमण फैलन नदिन भन्दै स्थानिय सरकारलाई पूर्व जानकारी नदिईकनै बन्द भएको र संक्रमणसँग जुध्न तथा बन्द गरिनुपर्ने अवस्थाबारे मन्त्रालयले निश्चित मापदण्ड तयार पार्न लागेको मन्त्री कोईचीले बताएका छन् ।
जापानका स्वास्थ्यमन्त्री कोईचीले अभिभावकहरुलाई आफ्ना बालबालिकालाई विद्यालय पठाउनुअघि उनिहरुको शरिरको तापक्रम चेकजाँच गर्न तथा स्वास्थ्यमा समस्या देखिएमा नपठाउन अनुरोध गरेका छन् ।
यसैगरि शिक्षकहरुले पनि कुनै विद्यार्थीहरुलाई स्वास्थ्य समस्या पाईएमा विद्यालय नआउन तथा चेकजाँच र आराम गर्न लगाउन अनुरोध गरेका छन् ।
