टोकियो ।
जापानमा शरणार्थी आवेदन दिनेमध्ये अधिकाशं विदेशी विद्यार्थी भएको पाइएको छ ।
जापानमा अध्ययनको लागि आउने विदेशीले शरणार्थी बन्न आवेदन बढी दिने गरेको तथ्य सार्वजनिक भएसँगै त्यस्ता आवेदकको छिनोफानो ६ महिना भित्र गरिने भएको छ ।
जापान सरकारले २०१५ मा ७ हजार ५ सय ८६ जनाले शरणार्थी बन्न पाउँ भनेर दिएको निवेदन मध्ये नेपाली मात्रै १ हजार ८६ जना रहेको खुलासा गरेको छ ।
यसै बर्ष ईण्डोनेसियाका ९६९ जना टर्कीका ९२६ जना म्यानमारका ८०८ जना र भियतनामका ५७४ जनाले आवेदन दिएका थिए ।
जापानी संचारमाध्यमहरुले जापानी अधिकारीहरुलाई उदृत गर्दै उल्लेख गरे अनुसार सन् २०१६मा करिव १० हजार वढीको आवेदन दिएका थिए । यो अहिलेसम्मकै बढी आवेदन हो ।
अब शरणार्थी बन्न खोज्नेको छिनोफानो ६ महिनामै
शरणार्थी बन्न आवेदन दिनेको संख्या उच्च भएसँगै अध्ययागमन विभागले आगामी साताबाट नयाँ आवेदकको आवेदन ६ महिनाभित्रै टुंगो लगाउनेगरि काम थालेको जनाएको छ ।
नयाँ सफ्टवेरको माध्यमबाट आवेदन हेरेर विभिन्न समुहमा छुट्याउने र पुन आवेदन दिएकाको हकमा समेत कडाई गरेर ६ महिनाभित्र यस्ता आवेदनबारे निर्णय गर्ने भएको छ ।
अध्ययनका लागि आएकाहरुसँगै प्रशिक्षार्थी कामदारको भिषामा रहेकाहरुसमेत भागेर शरणार्थी आवेदन दिने क्रम बढेको छ ।
शरणार्थी बन्न आवेदन दिएकाले आफ्नो देशमा अशुरक्षा वा अन्य कारण भन्दापनि जापानमा राम्रो कमाई हुने भएकै कारण बस्न चाहेको पाइएको बताइन्छ ।
सन् २०१० मा १२ सय २ जनाले शरणार्थी आवेदन दिएकोमा २०१५ मा ७ हजार ५ सय ८६ हुँदै ०१६ मा १० हजार नाघेपछि जापानले शरणार्थी आवेदन दिने प्रक्रियामै कडाइ गर्न थालेको छ ।
आवेदन बढेपछि जापानले शरणार्थीको मान्यता दिएर २०१० यता जम्मा ३९ जनालाई स्विकृत दिएको बताइएको छ ।
पछिल्लो समय जापानले आप्रवासी र शरणार्थीहरुलाई जापान प्रवेशमा कडाइ र रोक लगाउने नयाँ नियमहरु बनाएसँगै जापानले पनि यसमा कदम चाल्ने ठानिएको छ ।
