(Japan) 10 th August | 2022 | Wednesday | 8:07:51 PM || (Nepal) 4:52:51 PM
 
 

जापानमा तपाईको बच्चा विद्यालय भर्ना भएको छैन वा भएरपनि पढ्न गएको छैन ? जापानले थाल्यो है अनुसन्धान

  POSTED ON : Tuesday, 19 March, 2019 | Views : 2569

जापानमा तपाईको बच्चा विद्यालय भर्ना भएको छैन वा भएरपनि पढ्न गएको छैन ? जापानले थाल्यो है अनुसन्धान


टोकियो ।

जापानमा बिदेशी बालबालिकाहरु प्राथमिक तह भर्ना भएर विद्यालय अध्ययन गर्न न्यून संख्यामा आउनेबारे जापानले अनुसन्धान गर्ने भएको छ ।

यहाँको शिक्षा मन्त्रालयले स्थानिय सरकारहरुसँग समन्वय गरेर जापानमा बिदेशी नागरिकका बालबच्चाहरु प्राथमिक तहमा भर्ना भएपनि निम्न माध्यमिक तथा माध्यमिक तहको पढाई सम्ममा विद्यालयमा नदेखिनुको कारणबारे अनुसन्धान गर्ने भएको हो ।

माईनिचि सिम्बुनमा प्रकाशित समाचार अनुसार १६ हजार बढी बिदेशी बालबालिकाहरु जापानमा अध्ययनका लागि भर्ना भएरपनि अध्ययनको लागि नगएको तथ्य स्थानिय नगरपालिका कार्यालयहरुको तथ्यांकले देखाएको छ ।

जापानी बालबालिकाहरुको लागि विद्यालय तहसम्मको अध्ययनको लागि अभिभावकले विद्यालय पठाउनै पर्ने अनिवार्यता भएपनि बिदेशी बालबालिकाको हकमा नभएकाले कति बिदेशी बालबालिका जापानमा रहेका छन् र कतिसंख्यामा अध्ययन गर्न गईराखेका छैनन् भन्ने यकिन तथ्यांक जापान सरकारसँग समेत रहेको छैन ।

जापानको शिक्षा मन्त्रालयले भर्ना पश्चातपनि विद्यालय नगएका बिदेशी नागरिकका बालबालिकाहरुलाई कसरी पुन विद्यालयमा फर्काउन सकिन्छ भन्ने बारेको सुझाव सहित अध्ययन गर्न स्थानिय निकायहरुलाई भनेको छ ।

साथै अनुसन्धानबाट भर्ना भएरपनि विद्यालय अध्ययनका लागि नजाने वा नपठाउने कारण खोतल्ने बताईएको छ ।