(Japan) 10 th August | 2022 | Wednesday | 8:01:33 PM || (Nepal) 4:46:33 PM
 
 

आठौँ जापानी भाषा वक्तृत्वकला प्रतियोगिता मार्च १७ तारिखमा, आवेदन खुला

  POSTED ON : Sunday, 20 January, 2019 | Views : 3935

आठौँ जापानी भाषा वक्तृत्वकला प्रतियोगिता मार्च १७ तारिखमा, आवेदन खुला


टोकियो ।

जापानमा अध्ययरत नेपाली विद्यार्थीहरुबिच लोकप्रिय जापानी भाषा वक्तृत्वकला प्रतियोगिता यस बर्ष आगामी मार्च १७ तारिखमा आयोजना हुने भएको छ ।

नेपाकेन र रिस्स्यो बिश्वबिद्यालयको संयुक्त आयोजनामा आठौं जापानी भाषा बक्तृत्वकला प्रतियोगिता हुने भएको हो ।

प्रतियोगितामा उत्कृष्ठ हुने तीन जनालाई पुरस्कारको समेत व्यवस्था गरिएको कार्यक्रममा श्रोता तर्फपनि १ मान रासिको पुरस्कार घोषणा गरिएको छ ।

टोक्यो स्थित यामानोते लाइनको ओसाकि स्टेशन नजिक रहेको रिस्स्यो बिश्वबिद्यालयको सभाहलमा हुने प्रतियोगिताको बिजेताले ५ मान नगद सहित सम्मान पत्र पाउनेछ ।

यसैगरि द्धियित हुनेले ३ मान येन र सम्मानपत्र पाउनेछ भने तृतिय हुनेले २ मान जापानी येन नगद पुरस्कार सहित सम्मान पत्र पाउनेछ ।

प्रतियोगितामा सहभागी हुन इच्छुक बिद्यार्थीहरूले फेब्रुअरी महिनाको २८ तारीख सम्ममा वतृत्वकलामा प्रस्तुत गर्ने आफ्नो भावना स्पीच सहित आवेदन दिन आयोजकले अनुरोध गरेको छ ।

यसको लागि आवेदकले तलको लिंक बाट अनलाइन फारम भरेर पठाउनु पर्नेछ ।

कार्यक्रममा दर्शकको रुपमा अबलोकन र स्वयंसेवीको रुपमा सहयोग गर्न इच्छुक व्यक्तिले तलको लिंक मार्फत तोकिएको फर्म भरेर पठाउन आयोजकले अनुरोध समेत गरेको छ ।

वक्तृत्वकला कार्यक्रमलाई नेपाली राजदुताबास जापान, गैर आवासिय नेपाली संघ जापान सहित विभिन्न संघसंस्था र व्यक्तिहरुको सहयोग रहने भएको छ ।

The 8th Nepaken Speech Contest held on March 17, 2019


कार्यक्रम हुने मिति, समय, स्थान

  1. मिति : २०१८/०३/१७ आइतबार
  2. समय : १३:०० देखी १६:०० सम्म
  3. स्थान : रिस्स्यो दाइगाकु सिनागावा क्याम्पस १४१-८६०२ टोक्यो तो सिनागावा कु ओसाकी ४ – २- १६ इसिबासी तान्जान किनेन कोउदोउ