टोकियो, जापान ।
जापानको अग्रणी मोवाइल सेवा प्रदायक संस्था एनटिटी डोकोमोले सेप्टेम्बर २२ तारिख दिउँसो पूर्वी जापानमा धेरै स्थानमा सेवा अवरुद्ध हुन पुगेको जनाएको छ ।
पूर्वी जापानका प्रयोगकर्ताहरूले मोबाइल फोनको इन्टरनेट संचार प्रयोगमा समस्या देखिएको बताएको कम्पनीले जनाएको छ ।
समस्याको कारण पत्ता लाग्न नसकेको र कम्पनी यसलाई पुनर्स्थापित गर्न काम गरिरहेको बताइएको छ ।
एनटिटी डोकोमोले भनेको छ 'हाम्रा ग्राहकहरूलाई पर्न गएको असुविधाको लागि हामी क्षमाप्रार्थी छौं । हामी तपाईंलाई पुन: सेवा पूर्नस्थापनाको सम्भावनाको बारेमा जानकारी दिनेछौं ।'