(Japan) 3 rd July | 2022 | Sunday | 5:15:51 AM || (Nepal) 2:00:51 AM
 
 

जापानमा २० बर्षपछि डलरसँग येन विनिमय दर १२७ माथि पुग्यो

  POSTED ON : Wednesday, 20 April, 2022 | Views : 962

जापानमा २० बर्षपछि डलरसँग येन विनिमय दर १२७ माथि पुग्यो


टोकियो, जापान ।

अमेरिकी डलरको तुलनामा जापानी येनको अवमूल्य हुने क्रम पछिल्लो केही दिनयता जारी छ । मंगलबार टोकियोमा बिहानी कारोबारमा प्रतिडलर येन १२७ भन्दा माथि आएको छ ।

अमेरिका र जापानमा ब्याजदरमा अन्तर थप फराकिलो हुने अनुमानमा अमेरिकी ट्रेजरीको प्रतिफल बढेपछि येन सस्तो हुने क्रमले निरन्तरता पाएको हो ।

मंगलबार बिहान १० बजेतिर टोकियोमा डलर येन विनिमय दर १२७ दशमलव २८–३१ येनमा आएको थियो । यो सन् २००२ को मेयताकै न्यून हो । सोमबार साँझ ५ बजे न्यूयोर्कमा यो दर १२६ दशमलव ९३ देखि १२७ दशमलव शून्य ३ येन थियो भने टोकियोमा १२६ दशमलव ६३–६५ येन थियो ।

आगामी महीना फेडले ५० आधार अंकले ब्याजदर बढाउने न्यूयोर्क फेडका अध्यक्ष जोन विलियम्सले बिहिबार बताएयता जापानमा डलर महँगो भइरहेके छ ।

अमेरिका र जापानमा ब्याजदरबीचको अन्तर थप फराकिलो हुने अनुमानमा लगानीकर्ताहरुले येन छाडेर डलर किन्न थालेका छन् । ब्याजदर अन्तर बढेसँगै प्रतिफलको अन्तर बढ्ने भएपछि पछिल्लो समय येनमा सेल–अफ देखिन थालेको छ ।