(Japan) 20 th May | 2022 | Friday | 3:15:54 AM || (Nepal) 12:00:54 AM
 
 

एउटा गँगटो जापानमा ८ लाख येनमा बिक्यो

  POSTED ON : Monday, 08 November, 2021 | Views : 720

एउटा गँगटो जापानमा ८ लाख येनमा बिक्यो


फुकई, जापान ।

शनिबार फुकुई प्रिफेक्चरमा माछा मार्ने बन्दरगाहमा भएको एक लिलामीमा एउटै हिउँ गँगटो ८ लाख येनमा बिकेको छ । शनिबारदेखि सि अफ जापानमा यो वर्षको माछा मार्ने सिजन शुरु भएको छ । किवामी ब्रान्डको सो गँगटोले उक्त मूल्य पाएको हो ।

बोलकबोल स्थानीय रेष्टुराँले जितेको हो । आफ्ना ग्राहकहरुलाई शिर ठाडो गरेर स्वागत गर्न सकिने आशमा आफूले गँगटो किनेको ती रेष्टुराँ मालिकले बताएका छन् ।

‘कोरोना भाइरसको महामारी अन्ततः अलि साम्य भएको छ, रेष्टुराँहरुले राम्रै गरिरहेका छन् भनेर मानिसहरुले थाहा पाउन् भन्ने म चाहन्छु,’ उनले भनेका छन् । सन् २०१५ यता फुकुईका अधिकारीहरुले स्थानीय रुपमा समातिएका किवामी गँगटोहरुको सानो परिमाण यसरी बेचिरहेका छन् ।

किवामी ब्रान्डमा पर्न ती गँगटोहरुमा तौललगायत मापदण्ड पूरा भएका छ कि छैन भनेर निक्र्यौल गरेर मात्रै गगँटो बेचिन्छ । गत मार्चमा सकिएको वर्षमा समातिएकामध्ये ६७ ओटा अर्थात् शून्य दशमलव शून्य ४ प्रतिशत मात्रै किवामी गँगटा थिए ।