टोकियो, जापान ।
जापानमा चामलको अभाव बढ्दै जाँदा, किसान र व्यापारीहरू चिन्तित देखिएका छन्, किनभने यसले मूल्य वृद्धि गर्न सक्छ जसले उपभोक्ताहरूलाई जापानी चामल उपभोग गर्नबाट टाढा लैजान सक्छ ।
बुधवार कृषि मन्त्रालयमा धान व्यवसायीहरुको बैठक बसेको थियो ।
मन्त्रालयका अधिकारीहरूले अगस्टदेखि सुपरमार्केटहरूमा चामल बिक्रीको मात्रा बढेको बताएका छन् । यसैबीच, जापानमा चामलको मौज्दात एक वर्ष अघिको भन्दा तल झरेको अधिकारीहरुले बताएका छन् ।
कतिपय थोक बिक्रेताले भाउ बढेमा उपभोक्ताहरुले चामल कम प्रयोग सक्ने चिन्ता व्यक्त गरेका छन् । व्यापारिहरु भन्छन् कि गत बर्ष १० देखि १४ डलर मुल्य रहेको ५ किलो चामलको प्याकेटलाई अहिले २० डलर अर्थात् ३००० येन पुगेको छ ।
चामलको थोक बिक्रेता फुजिमोतो केई भन्छन्, 'दुई हप्तामा पसलहरूमा थप चामल पाइन्छ । हामी हाम्रा ग्राहकहरूलाई पर्खन आग्रह गरिरहेका छौं ।'
डेलिभरी कम्पनीहरू चाँडो वितरण सुनिश्चित गर्न वर्षको पहिलो धान बालीको ढुवानीको लागि तयार भइरहेका छन् ।
जापानमा नयाँ धान भर्खरै भित्राउन सुरु गरिएको छ र सेप्टेम्बर अन्तिमसम्म भित्राइने धानबाली सेप्टेम्बर अन्तयबाट बजारमा आइपुग्ने अपेक्षा गरिएको छ । तर नयाँ धानले अभावलाई धेरै हदसम्म सम्वोधन गरेपनि मूल्य घट्ने अवस्था भने नरहेको व्यापारिहरुले बताएका छन् ।
