अमेरिकाले व्याजदर स्थिर राख्दा येनमा क्रमिक सुधार
एजेन्सी ।अमेरिकाको केन्द्रिय बैंक फेडरल रिजर्व वैंकले ब्याज दर स्थिर राख्ने निर्णय गरेको छ ।अमेरिकी फेडरल रिजर्भका नीतिनिर्माताहरूले मुद्रास्फीति र रोजगारी लाभमा प्रगति भएका कारण तत्काललाई व्याजदर स्थिर राखेका हुन् । फेड अधिकारीहरूले उपभोक्ता मूल्यहरू दशकहरूमा नदेखिएको उचाइमा बढेको बताएका छन् । उनिहरुले २३ वर्ष यताकै उच्च दरमा ब्याज बढाएर करिव एक बर्ष यता स्थिर राखेका छन् । अर्थतन्त्र मन्दीमा नपुगोस् भनेर होसियार हुनुनर्पे भन्दै ब्याज दर अपरिवर्तित राख्ने निर्णय गरिएको बताइएको छ ।अमेरिकी रिजर्भ बैंकले ब्याजदर घटाउनले अपेक्षा सहित लगानीकर्ताहरू महिनौं यता पर्खिरहेका छन् । फेडले सेप्टेम्बरमा हुने अर्को बैठकबाट ब्याजदर कटौती राख्ने अपेक्षा गरिएको छ ।१ डलरको १४९ येनजापानी येनमा देखिएको सुधारोन्मुख अवस्था कायम देखिएको छ । बुधवारको तुलनामा येनमा प्रति डलर कम्तिमा २ येनले सुधार देखिएको छ ।ताजा अवस्थामा एक डलरको १४९ येन आसपासमा कारोबार भइरहेको छ ।येनको सुधारोन्मुख अवस्थाले जापानबाट नेपाल पैसा पठाउनेहरुका लागि लाभ पुग्न थालेको छ ।बुधवार १ लाख नेपाली रुपैयाँको लागि ११ मान ५ हजार येन रहेकोमा यो बिनिमयदर बिहिबार ११ मान ३ हजार येनको आसपास आउने देखिन्छ ।येनमा क्रमिक रुपमा विश्व बजारमा सुधार देखिएकाले आगामी हप्तासम्ममा १ लाख रुपैयाँको लागि ११ मान आसपाससम्म आइपुग्ने अनुमान गरिएको छ । 
.jpg)
