टोकियो, जापान ।
जापानको उद्योग मन्त्रालयले बिहीबार सेमीकन्डक्टर लगायत उत्पादनहरू उत्पादन गर्न आवश्यक पर्ने तीनवटा सामग्रीको दक्षिण कोरियामा निर्यातमाथिको नियन्त्रणात्मक प्रतिबन्ध हटाएको छ । जापानले सन् २०१९ मा दुई देशबिच सम्वन्ध खटपट भएपछि निर्यात नियन्त्रणमा कडाइ गरेको थियो ।
बिहिबार मार्च २३ तारिख नै दक्षिण कोरियाको व्यापार मन्त्रालयले कडा जापानी उपायहरूको प्रतिक्रियामा विश्व व्यापार संगठनमा दायर गरेको उजुरी फिर्ता लिएको घोषणा गरेको छ ।
जापानी मन्त्रालयले जापानी फर्महरू र अन्य तीन सामग्रीको लागि उचित निर्यात नियन्त्रण भएको प्रमाणित भएकाले अब सैद्धान्तिक रूपमा ३ वर्षपछि दक्षिण कोरियामा निर्यात अनुमतिको लागि आवेदन दिनुपर्ने छैन ।
यो कदम यस महिनाको सुरुमा दुई देशका वरिष्ठ अधिकारीहरू बीचको बैठक पछि भएको हो, जुन तीन वर्षमा पहिलो पटक भएको थियो । दुई देशका सरकारहरूले दक्षिण कोरियाले डब्ल्यूटीओसँगको गुनासो फिर्ता लिने सहमती गरेका थिए ।
जापानको २०१९ मा घोषित निर्यात रोकावतले उच्च शुद्धता युक्त हाइड्रोजन फ्लोराइड, फ्लोरिनेटेड पोलिमाइड दक्षिण कोरिया निर्यात रोकेको थियो ।
दक्षिण कोरियाले २०२० मा विश्व व्यापार संघठनमा उजुरी दर्ता गरेर जापानको कडा नियमहरूको बिरुद्धमा अन्तर्राष्ट्रिय ध्यान आकर्षण गरेको थियो ।
२०१९ मा जापानले दक्षिण कोरियालाई सरलीकृत निर्यात प्रक्रियाहरूको हकदार देशहरूको सूचीबाट पनि हटाएको थियो ।
यस विषयमा, जापानी अधिकारीहरूले दक्षिण कोरियाली सरकारसँग वार्ता जारी राख्ने बताएका छन् । जापानले छिट्टै दक्षिण कोरियालाई सरलीकृत निर्यात प्रक्रियाहरूको हकदार देशहरूको सूचीमा पुनर्स्थापित गर्ने ठानिएको छ ।
