टोकियो, जापान ।
जापान सरकारले २० खर्ब येन मूल्य बराबरको महँगी राहत योजनालाई मञ्जुरी दिएको छ ।
बुधबार महँगी नियन्त्रणसम्बन्धी सरकारी कार्यबलको बैठकले महँगीका कारण घरपरिवार र व्यवसायमाथिको बढ्दो भार कम गर्न भनेर ल्याइएको सो राहत प्याकेजलाई हरियो झन्डा देखाएको हो ।
यसमा न्यून आय भएका घर परिवारहरुलाई ३० हजार येन नगदै बाड्ने अनि बालबालिका हुर्काइरहेको त्यस्ता घर परिवारलाई बच्चै पिच्छे अरु ५०र५० हजार येन दिइने प्रस्ताव छन् ।
सरकारले मेदेखि अप्रिल वा त्यसपछिका महिनाहरुमा घर परिवारले बिजुलीको महसुलको साथमा तिर्ने अतिरिक्त शुल्क पनि घटाउने योजना बनाएको छ ।
यी योजनाहरुका लागि सरकारले चालु आवबाट आफ्नो सञ्चिति कोषमा विनियोजन गरेको रकम चलाउँदैछ ।
यी उपायहरुले महँगीको भार केही भएपनि कम गर्ने आशा सरकारले लिएको छ । यो प्याकेजलाई मन्त्री परिषद्ले भने यही महिना पारित गर्ने बताइएको छ ।
