(Japan) 29 th January | 2020 | Wednesday | 5:13:01 AM || (Nepal) 1:58:01 AM
 
 

मगन्ते सरकार-भोकमरी नेता ! प्रदिप ज्ञवालीले जापान आएर चामल मागे तर दिएको चामल भण्डारमै कुहाए

  POSTED ON : Monday, 30 December, 2019 | Views : 486

मगन्ते सरकार-भोकमरी नेता ! प्रदिप ज्ञवालीले जापान आएर चामल मागे तर दिएको चामल भण्डारमै कुहाए


समाचार टिप्पणी-टोकियो, जापान ।

भन्दा लाजमर्दो कुरा नेपाली हौं भन्न शरम लाग्ने विषय थियो सन् २०१८ को नोभेम्वर २० मा जापान आएर परराष्ट्रमन्त्री प्रदिप ज्ञवालीले जापानबाट चामल लिन गरेको सम्झौता ।

देशको परराष्ट्र मन्त्री जस्तो व्यक्ति जापान भ्रमणमा आउँदा गौरवको विषय थियो । ३५ करोड रकम खाद्य सहायतामा जापानले सहयोग गर्दैथियो ।

तर लाजको विषय त्यतिखेर भयो जब मन्त्री ज्ञवालीले उक्त रकम जापानकै ४ सय ८५ क्विन्टल चामल किन्न खर्चिने बुँदा सहितको सम्झौता गरे । जुन कुराको त्यतिखेरनै जापान समाचार डटकमले समाचार प्रकाशित गरेर बिरोध जनाएको थियो । यो समाचार पढ्नुहोस् ।

जापानी मिडिया भन्छ-'जापानको सहयोग जापानी चामल किन्न खर्च', परराष्ट्रमन्त्री ज्ञवाली ज्यु के देशमा भोकमरी लागेकै हो ?

न अनिकाल, न प्राकृतिक विपत्ति न त अतिबृष्टि र अनावृष्टि ।  भोकमरीको त कुरै छाडौं । जापानले खाद्य कार्यक्रमको लागि चामल दिन्छौं भन्दा परराष्ट्र मन्त्री जस्तो व्यक्तिले चामल हैन कृषिको आधुनिक प्रविधिहरु देउ, हाम्रो देशलाई कृषि आधुनिकिकरणको खाँचो छ भन्नुको साटो दिनेले जे दिन्छ लाज पचाएर कचौरामा त्यही थापे र गए ।

भलै कृषि प्रधानदेशमा भारत र चिनबाट बर्षेनी करोडौंको चामल आयात भईरहँदा नेपालीले जापानी चामल पनि चाख्ने भए भन्ने बहानामा चित्त बुझाईयो । किनभने सरकारले गरेको सम्झौता आखिर कार्यान्वयन हुनेनै थियो । फेरी झण्डै दुई तिहाईको बहुमतको सरकार छ हेप्न पनी भएन ।

तर बेशरम मगन्ते सरकारका भोकमरी नेताहरुलाई बालुवाटारको जग्गा देखी एनसेलसँग अर्बौं रकम सेटिगं मिलाउँदा र यतीको भक्तिका खातिर लाग्दा समयनै पुगेनछ । जापानले आफ्ना नागरिकबाट उठाएको रकमबाट नेपालीको भलोका लागि पठाएको अन्नलाई गोदाममै कुहाईदिए ।

कर्णाली लगायत दुर्गम जिल्लाका बासिन्दा बर्सेनि चामलको अभाव झेलिरहेका छन् । तर, विदेशबाट अनुदानमा आएको चामलसमेत सरकारी गोदाममा वर्षौँ थन्किएर सडेको छ ।

संसदीय समितिको अनुगमनका क्रममा थापाथलीस्थित खाद्य व्यवस्था तथा व्यापार कम्पनी लिमिटेडको गोदाममा जापान सरकारले दिएको बर्षौं देखिको चामल कुहिएको अवस्थामा भेटिएको छ  ।

परराष्ट्रमन्त्री प्रदीप ज्ञवाली अर्थात् बिदेश भ्रमण मन्त्री ८ महिनामा ६४ दिन बिदेश भ्रमण, चामल माग्न समेत बिदेश भ्रमण 

संसद्को उद्योग तथा वाणिज्य र उपभोक्ता हित समितिले खाद्यवस्तु अनुगमन गर्न गठन गरेको उपसमितिले आइतबार अनुगमन गर्दा तीनवटा गोदाममा कुहिएको चामल मात्रै भेटिएको छ ।

खाद्य संस्थानले आफैँ व्यवस्था गरेर चामल वितरण गर्नुको सट्टा जापानले अनुदानमा दिएको चामल समेत गोदामै थन्याएर कुहाएको घटनाको जति निन्दा गरेपनि कम हुन्छ ।

गोदाममा चामलसँगै दाल, स्वयाबिन लगायत अन्य खाद्यवस्तुसमेत कुहिएका छन्  ।

आफुले त केही गर्न सकेनन् नै तर माग्न जान्ने तर दाताले दानमा दिएको दातव्यलाई सदुपयोग गर्न नजान्ने बाँदरे नेतृत्वबाट दाता को त कुरा छाडौं, नागरिकले के आशा राख्ने होला ?