(JAPAN) 18 th November | 2019 | Monday | 6:19:27 PM
(Nepal) 18 th November | 2019 | Monday | 3:04:27 PM
 

नेपालका हिटलर अर्थात् मोहम्मद अफताब आलम-मान्छे जीउँदै भट्टीमा जलाएर मार्नेलाई काँग्रेसको साथ !

  POSTED ON : Tuesday, 15 October, 2019 | Views : 455

नेपालका हिटलर अर्थात् मोहम्मद अफताब आलम-मान्छे जीउँदै भट्टीमा जलाएर मार्नेलाई काँग्रेसको साथ !


समाचार टिप्पणी ।

हिटलर विश्व ईतिहाँसकै क्रुर शासक । जसले शारिरिक रुपमा कमजोर अनि आफ्ना बिरोधी लागेकालाई जीउँदै आगोमा जलाएर मारे ।

नाजी समुदायका करिव १९ लाख व्यक्तिको ज्यान लिएका ति पात्र र त्यो घटनालाई झझल्को दिनेगरि नेपालमा ७ दशकपछि उस्तै पकृतीको घटना घट्दा यसले सिंगो नेपाली समुदायकै शिर विश्व समाजमा झुकाएको छ ।

सत्ता र शक्तिको आडमा उस्तै जुंगा मुठे एडोल्फ हिटलर बन्ने क्रममा रहेको नेपाली हिटलर बनेका हुन् मोहमद अफताब आलम ।

सत्ताको आड र पदिय शक्ति दुरुपयोग गर्दै आफैंले गर्न लगाएको आपराधिक कामका क्रममा घाईते भएका सर्वसाधरणलाई जिउँदै ईट्टा भट्टीमा जलाएर हत्या गर्नुजस्तो नृशंस अपराध यो दुनियामा अरु केही हुनैसक्दैन ।

मन्त्री भईसकेका, सांसद रहेका अनि पार्टीकै केन्द्रिय नेता रहेका व्यक्तिले चुनाव जीत्न अपनाएको आपराधिक बाटो र घटाएको घटनाबारे नेपाली काँग्रेसको नेतृत्वमा रहेका नेताहरु अन्जान थिए होलान् भनेर सोच्नु त्यो केवल उनिहरुलाई जोगाउन गरिने राजनीतिक अपराध मात्र हो ।

आफ्नो छोरालाई अपराध कर्म गर्न लगाएर मरणासन्न अवस्थामा पुग्दा उल्टै जिउँदै आगोको लप्कामा हुत्याएर मारेको घटना सुन्दा यो संसारमा कुनचाहिँ आमा सहेर बस्न सक्छिन् होली ? तर प्राण उड्ने बेलासम्मपनी छोरा मार्ने हत्यारालाई कारवाहीको आसमा न्याय मागेर भौतारिँदा भौँतारिँदै तिनै अपराधीबाट मारिंदा समेत नबोल्ने न्यायालय, प्रशासन र प्रहरी अपराधीका नाईकेहरुले नै चलाएका रहेछन् भन्ने भान भएको छ ।

अदालतको अन्तिम ढोकाबाट न्यायको लागि एक आदेश आउँदा छोरा मार्ने हत्याराहरुलाई समाउनु अघिनै आमाले प्राण गुमाउनु परेको पिडादायी यो घटना कुनचाहिँ परिवारले सहन सक्ला ?

जेलभित्र मारिएका अपराधीलाई शहिद घोषणा माग गर्ने काँग्रेस फेरी एकपटक पार्टीभित्र हिटलर पालेर समाजवाद खोज्ने धुनमा रहेको भेटिएको छ ।

२१ औं शताब्दीको नेपाली हिटलर जन्माएको काँग्रेसले जोगाउने सिधा आँट त गर्न सकेको छैन नै विश्व मानचित्रमानै नेपाली शिर नुगाउने कुकर्म गर्दा समेत पार्टीबाट हटाउने विवेक समेत हुर्काउन सकेको रहेनछ भन्ने नजिर स्थापित गरेको छ ।

प्रगतिवादी भनिने एक दुईथान काँग्रेसी 'अपराधी ठहरीए कानुन अनुसार कारवाही गर्नुपर्ने' लोकप्रियताको भाषण त दिन थालेका छन् तर शिरमा बिकास र शुसासनको नारा बोकेर हिँड्ने काँग्रेसका शासक भ्रष्टाचारी ठहर नेताको नाममा सडकमार्ग उद्घाटन गर्दै हिँडिरहेका छन् ।

सांसद आलमले इँटाभट्टामा जलाएर पाँचजनाको हत्या कसरी गरेका थिए  ? (विस्तृतमा)