JAPAN: 13 th December | 2019 | Friday | 7:54:54 PM || Nepal: 4:39:54 PM
 
 

दशैंमा पूजा, टिका र आशीवार्दले सकारात्मक मनोबैज्ञानिक सञ्चार गराउँछ -डा. विजय ज्ञवाली

  POSTED ON : Monday, 07 October, 2019 | Views : 165

दशैंमा पूजा, टिका र आशीवार्दले सकारात्मक मनोबैज्ञानिक सञ्चार गराउँछ -डा. विजय ज्ञवाली


चाड पर्ब भनेको परिवार र समाजको निम्ती अन्त्यत महत्वपूर्ण कुरा हुन् । आध्यात्मिक सुखबाट प्राप्त हुने सन्तुस्टी अतुलनिय हुन्छ ।

त्यसैले दशैंको ठुलो महत्व छ र यो मलाई मन पर्ने चाड हो । दशैं भित्रका पूजा, टिका, आशिर्बाद, मिठा परिकार यि सबैको महत्व छ ।  अझ ठुलाले सानाको शिरमा स्नेह पूर्वक स्पर्श गरेर दिने आशीर्बाद मलाई दशैंको सबै भन्दा मन पर्ने पक्ष हो ।

मलाई आशीर्बाद आँफैमा सकारात्मक संचार हो जस्तो लाग्छ । म आफु मनोबैज्ञानीक भएर पनि होला शब्द भित्रको सकारात्मक शक्तीले पार्ने प्रभाब एकदम ठुलो छ जस्तो लाग्छ ।

मैंले मेरो बाल्यकालको दशै अधिकांश बर्दियामा मनाएँ । थारु समुदायको वाहुल्य भएको मेरो गाउँमा हामी ब्राम्हणले मनाउने तरिका र थारु समुदायले मनाउने तरिका फरक हुन्थ्यो । तरपनि हामी गाउँमा दुबै प्रकारको दशैँ रमाइलो गरि मिलेर मनाउने गर्दथ्यौं ।

गाउँ भरी हामी १०-१२ परिवार एउटै कुलका दाजुभाई भएकाले दशैँमा निकै रमाइलो हुन्थ्यो । घर घर गएर टिका जमरा लगाउने आशीर्बाद लिने अनी सबै सकिए पछी मेरा थारु साथीहरु सित थारु नाच हेर्ने कार्यक्रम हुन्थ्यो ।

अहिले प्रवासमा चाँही खासै मैले दशैं मनाउन थालेको ४र५ बर्ष मात्र भयो । त्यस अघीको विद्यार्थी जिबनमा खासै मैले दशैं मान्ने वातावरण बनेन ।

बरु घरको याद आउँछ भनेर दशैको दिन काममा जाने गर्थें । यो मेरो मात्र होइन धेरै परदेशीको नियती जस्तो लाग्छ । आजकल परिवार सित रहेकोले साथी भाई जम्मा हुने टिका लगाउने परिकार बनाउने गरेर दशै मनाउने गरिन्छ ।  मौका मिले अली अली तास पनि खेल्ने गरिन्छ ।  

यसपाली पहिलो पटक हामी छोरी सित दशैं मनाउदै छौं । छोरीको यो पहिलो दशैं भएकोले हामी उत्साहित छौं ।

मेरो आमा बुवा दाई दिदीहरु नेपालमा दशैं मनाउन एकै ठाउँमा जम्मा भइ सक्नु भयो रे । दशैंको टिका नजिकिएसँगै उहाँहरुको सम्झना झन बढी आइरहेको छ ।

छोरीले प्रबिधीको प्रयोग गरेर भए पनि आफ्नो हजुर बुवा आमा सित यो बर्ष पहिलो पटक आशीर्बाद लिने छिन् ।  हामी पनि उनलाई टिका लगाई दिन उत्साहित भएका छौं ।