चितवन, नेपाल ।
नेपालका पूर्वयुवराज पारस शाह अस्वस्थ भएका छन् । शाहको छातीमा समस्या आएपछि अस्वस्थ भएका हुन् ।
चितवन नारायणगढस्थित एक होटलमा मङ्गलबार आईपुगेका शाहको छातीमा बुधबार साँझबाट समस्या देखिएको हो ।
पारस शाह बिरामी भएपछि चितवन मेडिकल कलेजका मुटुरोग विशेषज्ञ डा श्यामराज रेग्मीसहितको चिकित्सक टोलीले परीक्षण शुरु गरेको जनाएको छ ।
रेग्मीका अनुसार, उनलाई होटलमै इसिजी गरिँदै छ । यसैगरी रगत परीक्षण गर्न लागिएको छ ।
स्वास्थ्य परीक्षण गरेर इसिजीलगायत परीक्षण गरेपछि मात्र शाहको अवस्थाका बारेमा केही भन्न सकिने रेग्मीले बताएका छन् ।
डा. रेग्मीका अनुसार शाहमा मुटुसम्बन्धी पुरानै समस्या रहेकोमा त्यहि समस्या बल्झिएको अनुमान गरिएको छ ।
स्मरणीय छ थाईल्याण्डमा रहँदा शाह मुटु सम्वन्धि रोगकै कारण केही बर्षअघि गम्भिर अस्वस्थ भएर बाँचेका थिए ।