(JAPAN) 19 th December | 2018 | Wednesday | 1:49:40 AM
(Nepal) 18 th December | 2018 | Tuesday | 10:34:40 PM
 

नयाँ राजदूत नियुक्तिको मापदण्ड स्वीकृत, पुराना राजदूत फिर्ता बोलाउन सुरु

  POSTED ON : Monday, 09 July, 2018 | Views : 328

नयाँ राजदूत नियुक्तिको मापदण्ड स्वीकृत, पुराना राजदूत फिर्ता बोलाउन सुरु

काठमाडौं ।

केपी ओली सरकारले राजदूत नियुक्त गर्ने नयाँ मापदण्ड स्वीकृत गरेसंगै शेरबहादुर देउवा सरकारले बनाएका राजदूतहरु फिर्ता बोलाउन थालेको छ ।

राजदूत नियुक्तीको मापदण्ड पास गर्दै प्रधानमन्त्री तथा मन्त्रिपरिषद्को कार्यालयमा आइतबार साँझ बसेको मन्त्रिपरिषद्को बैठकले संयुक्त राष्ट्रसंघका लागि न्यूयोर्कस्थित नेपाली राजदूत ९स्थायी प्रतिनिधि० दुर्गाप्रसाद भट्टराईलाई साउन १५ गतेभित्र नेपाल फर्कन सूचना जारी गर्ने भएको छ ।

यसैगरि सरकारले कामचलाउ सरकारको हैसियतमा पुगिसकेको अवस्थामा शेरबहादुर देउवा सरकारले नियुक्त गरेका केही विवादास्पद सहित अन्य राजदूतहरुलाई छ्टिै फिर्ता बोलाउने भएको छ ।

आईतबारको मन्त्रीपरिषद बैठकमा यसबारेमा छलफल भएपनि निर्णय नभएको तर छिट्टै यसबारेमा निर्णय गरिने भएको बताइएको छ ।

.........

यसैगरि बैठकले स्थानीय निकाय वित्त आयोग खारेजी गर्ने निर्णय गरेको बैठकपछि सरकारका प्रवक्ता तथा सञ्चार तथा सूचना प्रविधिमन्त्री गोकुलप्रसाद बाँस्कोटाले जानकारी दिए ।

यसैगरी बैठकले आयोगको सचिवालयमा रहेको विवरण, स्रोत र सम्पत्ति राष्ट्रिय प्राकृतिक स्रोत तथा वित्त आयोगमा हस्तान्तरण गर्ने निर्णयसमेत गरेको छ । 

मन्त्रिपरिषद्को बैठकले भारतीय सहयोगमा सञ्चालनमा रहको साना विकास परियोजनाको कार्यान्वयनका लागि कार्यान्वयन गर्ने निकाय र कार्यान्वयन प्रक्रिया तोक्ने निर्णयसमेत गरको छ । 

त्यस्तै विश्व बैंक समूहको अन्तर्राष्ट्रिय विकास संस्था आइडिएबाट नेपालको ऊर्जा क्षेत्रमा लगानी बढाउने तथा कार्यकुशलतामा सुधारका लागि बजेट सहायतास्वरुप उपलब्ध हुने करीब रु १० अर्ब ऋण सहायता स्वीकार गर्ने निर्णय गरेको मन्त्री बाँस्कोटाले जानकारी दिए ।

यसैगरी बैठकले मानवअधिकार आयोगले क्षतिपूर्ति निर्धारण गरी कार्यान्वयन गर्न सिफारिश गरेबमोजिमको क्षतिपूर्ति ३३ जना व्यक्तिलाई उपलब्ध गराउने निर्णय गरेको छ ।  बैठकले नेपाल र साउदी अरेबिया सरकारबीच उद्योग, व्यापार, लगानी, विज्ञान, सूचना प्रविधि, पर्यटन, खेलकूदजस्ता क्षेत्रहरुमा लगानी र सहयोगसम्बन्धी सम्झौता गर्ने निर्णय गरेको छ । 

जन्म, मृत्यु तथा अन्य व्यक्तिगत घटना दर्ता दोस्रो संशोधन नियमावली २०७५, बालश्रम निवारणसम्बन्धी राष्ट्रिय गुरुयोजना र विद्युत् नियमन आयोग नियमावली २०७५ स्वीकृत गरेको बैठकपछि मन्त्री बास्कोटाले पत्रकारहरुलाई जानकारी दिएका छन् ।