(JAPAN) 16 th October | 2019 | Wednesday | 7:56:19 PM
(Nepal) 16 th October | 2019 | Wednesday | 4:41:19 PM
 

भारतमा नेपालीहरु खचाखच भरिएको बस शारदा नहरमा खस्यो

  POSTED ON : Thursday, 11 July, 2019 | Views : 165

भारतमा नेपालीहरु खचाखच भरिएको बस शारदा नहरमा खस्यो


दाङ, नेपाल ।

भारतको उत्तर प्रदेश प्रान्तमा रहेको शारदा नहरमा नेपालीहरु चढेको बस खसेको छ ।

नहरमा बसेको बसबाट ३२ नेपाली र एक भारतीय नागरिको जीवितै उद्धार गरिएको छ । फूलबेहड़ गाउँमा स्थित शारदा नहरमा बुधवार बस खसेपछि त्यहाँ भारतीय प्रहरीले नेपाली नागरिकलाई जीवितै उद्धार गरेको थियो ।

भारतको शिमलाबाट नेपालको दाङ जिल्लाको लागि छुटेको नेपाली बस बुधवार विहान करीब ५ बजे शारदा नहरमा खसेको टाइम्स ऑफ इंडिया आनलाइनले जनाएको छ ।

प्रहरीको प्ररम्भिक अनुसन्धान अनुसार चालकले नियन्त्रण गुमाउँदा यो घटना भएको हो । उत्तरप्रदेशको फूलबेहड़ थानाका प्रहरीले सूचना पाए लगत्तै घटना स्थलमा पुगेर स्थानीयको सहयोगमा ३२ नेपाली र एक भारतीयलाई जीवितै उद्धार गरेको थियो।

त्यस्तै नहरमा खसेको बसलाई् दुई क्रेनको साहयताले बाहिर निकालेको थियो। उद्धारमा खटिएका एक प्रहरी अधिकारीका अनुसार नहर आउनु भन्दा आगाडि एउटा मोडमा चालकले कुरा गर्दै  बस लाई तीब्र गतिमा लैजान खोज्दा बस नियन्त्रण भन्दा बाहिर गएको थियो। त्यसपछि बस नहरको रेलिंगमा ठोक्किएर खसेको थियो। उद्धार गरिएका सबै नेपालीलाई उपचारपछि दाङ पठाइएको छ ।