ओसाका, जापान ।
ओसाका प्रहरिका एक अधिकारीले यौन संपर्कका लागि स्कूले किशोरिलाई पैसा तिर्नेगरेको पाइएको छ ।
ओसाका प्रान्त प्रहरीले बिहीबार अनुसन्धान गर्ने क्रममा स्रोतहरूबाट प्राप्त प्रमाणमा ति प्रहरी अधिकारीले कम्तिमा ६ जना स्कुले किशोरिलाई पैसा तिरेर यौन संपर्क राखेको पाइएको बताएको छ ।
गत डिसेम्बर र अप्रिलको बीचमा संस्कृति बिभागका प्रमुख ५२ बर्षिय ताकाहितो हाशिमोतोले अनैतिक मानिने अश्लील हर्कत गरेर ति स्कुले किशोरिहरुलाई प्रतिब्यक्ती एकपटकको १५००० हजार देखी २०००० जापानी येन दिने गरेका थिए ।
६ जना किशोरिहरु मध्य वा उच्च विद्यालयमा अध्ययनरत रहेका थिए ।
हाशिमोतोले तिनीहरूलाई सामाजिक नेटवर्किङ साइट मार्फत भेटेको बताएका छन ।
उनले आफ्नो स्मार्टफोनमा एउटी केटीसँग अश्लिल गतिबिधीको भिडियो खिचेको समेत पाइएको बताइएको छ ।
जुन र जुलाईमा पुलिसले बालबालिका विरोधी वेश्यावृत्ति र अश्लील सामग्री कानूनको उल्लंघन गरेको आरोपमा हाशिमोतोलाई तीन पटक पक्राउ गरेको थियो ।
हाशिमोतोलाई बिहीबार अभियोजकको लागि पठाइएको छ । उनले आरोपहरुलाई स्वीकारेको बताइन्छ ।
हाशिमोतोले धेरै वर्षदेखि सामाजिक सञ्जाल सेवा मार्फत केही वयस्क महिलाहरू सहित करीव ३ सय त्यस्ता गतिबिधीमा संलग्न व्यक्तिसँग कुराकानी गरेको पाइएको प्रहरिले अनुसन्धानका क्रममा भेटेको छ ।
तिनीहरू मध्ये धेरै ओसाका, ह्योगो र क्योतो प्रान्तका रहेका छन । त्यस मध्ये हाशिमोतोले १६० जना यौन कृयाकलापमा संलग्न हुनेगरेका युवतीहरुलाई भेटेको बताइन्छ ।
यसै महिनाको सुरुवातमा पदबाट बर्खास्त गरिएका हासिमोतोले उनिहरुसँग समय बिताउन पैसा तिर्नेगरेको प्रहरीले बताएको छ ।
...
-सान्केई शिम्बुन