एजेन्सी ।
बर्बरतापूर्ण आत्मघाती बम विस्फोटमा परि श्रीलंकामा ज्यान गुमाउनेहरुको संख्या ३ सय २१ पुगेको छ ।
श्रीलङ्कामा राष्ट्रिय शोककामाझ आइतवारको बम हमलामा ज्यान गुमाएकाहरूको मंगलबार सामुहिक रुपमा अन्तिम संस्कार गरिएको छ ।
पाँचतारे होटल र विभिन्न चर्चहरूमा भएका हमलाहरूमा मंगलबार साँझ सम्ममा मृत्यु हुनेको संख्या ३ सय २१ पुगेको प्रहरीले बताएको छ । विस्फोटमा परेर ५ सय बढी व्यक्ति घाईते भएका छन् ।
बम हमला आफुहरुले गराएको दाबी बिस्फोटको दुईदिनपछि इस्लामिक स्टेट समूहले गरेको छ ।
श्रीलङ्काली सरकारले भने विस्फोटहरूका लागि स्थानीय इस्लामिस्ट समूह न्याशनल तौहिद जमातको हात रहेको विश्वास गरेको छ ।
बिस्फोटपछि भएको खोजीका क्रममा हालसम्म घटनासंग सम्बद्ध रहेको ठानिएका ४० जनालाई नियन्त्रणमा लिएर अनुसन्धान गरिरहेको प्रहरीले बताएको छ ।
पक्राउ परेका मध्ये एकजना सिरियाली नागरिक समेत रहेका छन् ।
बम विस्फोटमा परेर मृत्यु हुनेमा एकजना जापानी सहित ३६ जना बिदेशीहरु रहेको श्रीलंकाली सरकारले बताएको छ ।
Photo Source : Yahoo News Australia