टोकियो, जापान ।

पुरुषबाट महिला यौन उत्पिडन वा यौन हिंसामा परेको घटना बग्रेल्ति देख्न र सुन्न पाईन्छ । तर महिलाबाट महिलानै यौन उत्पीडनमा मुछिएको घटना कहानीजस्तै लाग्छन् ।

यस्तै एक विचित्रको कहानी जस्तै लाग्ने घटना जापानमा घटेको छ । त्यो पनि २१ बर्षिया युवतिबाट ७० बर्षिया बृद्ध महिला ।

घटना नारा प्रिफेक्चरको नारा शहरको हो । घटना अनुसार युवतीले बृद्ध महिलालाई नग्न तस्विरहरु पठाएकी थिईन् । त्यो पनि एक दुई मात्र होईन सयौं नग्न नस्विरहरु । रोचक त के भने ति सबै नग्न तस्विर युवतीको आफ्नै थियो । अधिकाशं फोटो उनि आफैंले खिचेका सेल्फि बिना कपडाका नांगो तस्विर थिए ।

घटनापछि प्रहरीले युवतीलाई फेब्रुवरी १० मा पक्राउ गरेको छ । महिलाले प्रहरीकोमा गुनासो सहित उजुरी दिएपछि बुझ्दा थाहा भयो कि महिलाले सन् २०१९ देखी गत बर्षको फेब्रुवरी सम्म तस्विरहरु पठाएकी थिईन् ।

युवतिमाथी महिलालाई सताएर दुख दिएको आरोप लगाईएको छ । उनले नग्न तस्विर पठाएर सताएकी महिला उनिसँगै काम गर्ने पूर्व कर्मचारी भएको बताईएको छ ।

महिलाको गुनासो दर्ता र युवती पक्राउ गरेपछि बृद्ध महिलाले प्रहरीकोमा प्रमाण पेश गरेकी थिईन् । उनले प्रहरीकोमा बुझाएको २९३ वटा म्यासेज तिनै युवतीले मोबाईल फोनको म्यासेजमा पठाएको पाईएको थियो । जसमा अश्लिल शब्द सहितको नग्न तस्विरहरु थियो । 

प्रहरीले पक्राउ गरेपछि आरोपित महिलाले घटना स्विकार गरेकी छिन् । उनले प्रहरीमा बयान दिंदै भनिन् 'म उनलाई अझै पनि मन पराउँछु । मैले धेरै मात्रामा म्यासेजहरु पठाएँ किनकि उनलाई बिगार्दा मलाई राम्रो लाग्यो ।'

अभियुक्त युवतिले यो पनि भनेकी छिन् कि 'मेरी आमाले मलाई धेरै माया देखाउनुहुन्न, तर उनले (७० बर्षिय बृद्धाले) मलाई दयालु भावले मलाई काम सिकाउनुभएको छ र म उनलाई मन पराउँछु ।'