(Japan) 29 th January | 2020 | Wednesday | 5:12:33 AM || (Nepal) 1:57:33 AM
 
 

जापानी अर्बपती मेजावा चन्द्रमा जाने 'गर्लफ्रेन्ड'को खोजीमा, जो कोहिले आवेदन दिन सक्ने !

  POSTED ON : Tuesday, 14 January, 2020 | Views : 590

जापानी अर्बपती मेजावा चन्द्रमा जाने 'गर्लफ्रेन्ड'को खोजीमा, जो कोहिले आवेदन दिन सक्ने !


टोकियो, जापान ।

चन्द्रमामा जाने पहिलो यात्रु बन्न लागेका जापानी अर्बपति युसाका मेजावाले चन्द्रमामा जान प्रेमिकाको खोजिरहेका छन् ।

‘स्पेस एक्सु कम्पनी मार्फत उनी चन्द्रमामा जाँदै छन् । ५ दशकपछि चन्द्रमा जाने ४४ वर्षीय व्यवसायी पहिलो पर्यटक हुँदैछन् ।

तर मेजावाले आफूसँगै चन्द्रमा जानका लागि महिला साथी चाहिएको भन्दै यसको खोजी गरेका छन् ।

सार्वजनिक रुपमै उनले आवेदन दिन आग्रह समेत गरेका छन् । यस अभियानलाई प्रवद्र्धन गर्न उनले आफ्नो वेबसाइट मार्फत जानकारी दिने गरेका छन् ।

जसले यो पुष्टि गर्छ कि उनी केवल साथी खोजिरहेका छैनन्, उनलाई साथ दिने सहयात्री अर्थात् प्रेमिका खोजिरहेका छन् ।

मेजावाको अन्तरिक्षमा पुग्ने लामो समयदेखिको सपना रहेको छ । उनी विशेष व्यक्तिसँग विशेष ठाउँमा जान चाहने भन्दै २०२३ मा उनलाई चन्द्रमा पठाइने भएको छ ।

मेजावाले सहयात्रीका लागि २० वर्ष भन्दा माथिका अविवाहित महिला हुनुपर्ने भन्दै मापदण्ड समेत तोकेका छन् ।

उनले ‘जीवनको पूर्ण आनन्द लिन चाहने र विश्व शान्ति चाहने महिलाले निवेदन दिन सक्ने’ उल्लेख गरेका छन् ।

मेजाव जापानको सबैभन्दा ठूलो अनलाइन रिटेलर जोजो टाउनका संस्थापक हुन् । फोब्र्सको सबैभन्दा पछिल्लो अनुमान अनुसार उनीसँग कूल २ बिलियन डलरको सम्पत्ति रहेको छ ।

सन् २०१७ मा जीन माइकल बास्वाइटको चित्रकलाका लागि उनले ११.५ मिलियन डलर निकासा गरेका थिए । उनी एक उत्साही कला कलेक्टर पनि हुन् ।

मेजाव अहिले यही नँया प्रकारको प्रतिस्पर्धा गराउन व्यस्त छन् । अर्बपति मेजाव आफ्नो वेबसाइट मार्फत् महिलाको खोजी गरिरहेका हुन् । कम्पनी चलाएको दुई दशकपछि अब उनले आफ्नो जीवन कसैसँग बाँड्न चाहने बताइएको छ ।

‘जब एक्लोपन र शुन्यताका भावना बिस्तारै म माथि बढ्न थाल्छन्, त्यहाँ म एउटा कुरा मात्र सोच्छु, एक महिलालाई प्रेम गरिरहने,’ मेजावले भनेका छन् । उनको सहयात्री बन्न आवेदन दिने मिति जनवरी १७ सम्म तोकिएको छ । र छनोट जनवरीको अन्त्यसम्ममा सुरु हुनेछ । यसरी मार्चको अन्तिममा उनले निर्णय लिने बताइएको छ ।

अब तपाई २० बर्ष माथिको युवती हुनुहुन्छ र मेजावाले भने अनुसारको योग्यता र रुचि राख्ने महिला हुनुहुन्छ भने तपाईको लागि यो मौका पनि हुनसक्छ ।

आवेदन दिने समय यहि जनवरी १७ तारिख सम्म मात्र छ, रुचि भएकाको लागि मौका हुन सक्छ है !