टोकियो, जापान ।
टोकियो ओलम्पिक र पाराओलम्पिक खेल आयोजकले टिकटको पैसा फिर्ता गर्ने अनुरोध नोभेम्बरदेखि स्वीकार गर्ने भएको छ ।
आयोजक समितिले यस्तो योजना बनाएको आफूले थाहा पाएको भन्दै यहाँको निप्पोन न्युजले समाचार प्रकाशित गरेको छ ।
टोकियो ओलम्पिक्सका लागि टिकटको पैसा फिर्ता नोभेम्बर देखि र पारालिम्पिक्सको लागि भने डिसेम्बरबाट शुरु हुने स्रोतको भनाइ छ ।
दुबै प्रतियोगिताका लागि क्रमशः ४४ लाख ८० हजार र ९ लाख ७० हजार टिकट बिकेका थिए ।
महामारीका कारण टोकियो ओलम्पिक्स एक वर्ष पाछाडि सरेको छ । खेलको दिन र स्थान उही भएकोले बिक्री भइसकेको टिकट प्रयोगमा आउनेछन् ।