टोकियो, जापान ।
राजधानी टोकियोको अदाची कु मा एक सुमो रेसलिंग खेलमा सहभागी ३२ जनामा नयाँ कोरोना भाइरस संक्रमण पुष्टि भएको छ ।
जसमा सूमो रेसलर जुर्यो फुजिहिगासी समेत रहेका छन् । जापान सुमो एसोसिएसनका अनुसार मकुशिता अन्तर्गत एक सूमो खेलाडी सहित १८ जना नयाँ संक्रमित पुष्टि भएका छन् ।
यसअघि संक्रमित पाईएका सहित एउटै कार्यक्रममा सहभागी कुल संक्रमितको संख्या ३२ पुगेको एसोसिएसनले जनाएको छ ।
एसोसिएसनका अनुसार एउटै कोठा भित्र सहभागी व्यक्तिहरुमा कोरोना संक्रमण भएको पाईएको हो । जसमा एकजना सुमोका रेफ्रि फुजितो समेत रहेका छन् ।
३४ जना सहभागी उक्त भेलामा २८ जना सुमो खेलाडीहरु रहेका थिए । जसमा हालसम्म संक्रमित पुष्टि भएकाको संख्या ३२ पुगेको छ ।
उक्त भेलामा सहभागी व्यक्तिमा सेप्टेम्बर ५ तारिख पहिलो पटक कोरोना संक्रमण भएको पुष्टि भएको थियो ।
सबै संक्रमितहरुको अवस्था सामान्य रहेको समाचारमा जनाईएको छ ।
...
-एनएचके
