मेषः तपाईँले धार्मिक कार्यमा रकम खर्च गर्ने योग रहेको हुँदा तपाईँको मन प्रसन्न रहनेछ । बोल्दा विचार नपुर्याउँदा कसैसँगको सम्बन्ध बिग्रनबाट बच्नुस् । पारिवारिक जीवन राम्रो रहनेछ तर कुटुम्ब र आफन्तसँग विवाद निम्तिन सक्छ । सन्तान पक्षको लागि राम्रो समय छ । विद्यार्थी वर्गले पनि मेहनत अनुसारको फल प्राप्त गर्ने सम्भावना छ । आम्दानीमा वृद्धि हुनेछ र नयाँ ठाउँमा जोडिन गरिएको प्रयास सफल हुन सक्छ । 

वृषः तपाईँको उत्साह बढ्नेछ । लामो तथा छोटो दुरीको यात्राको सम्भावना छ । साथीहरुसँग भेट हुन सक्छ । सबै विषयमा भाइबहिनीको सहयोग पाइनेछ । पारिवारिक जीवन शान्तिपूर्ण रहनेछ । कार्यक्षेत्रमा उन्नति हुनेछ र सहकर्मीको पनि साथ पाइनेछ । विदेश यात्राको सम्भावना पनि प्रबल छ । यद्यपि शारीरिक कष्ट भोग्नु पर्नेछ । 

मिथुनः तपाईँको मन प्रसन्न रहनेछ । एकै प्रयासमा धेरै काम हुनेछ । कार्यक्षेत्रमा तपाईँको प्रभाव रहनेछ । केही कारणले कार्यक्षेत्रमा विवाद उत्पन्न हुन सक्छ । मानसिक अशान्तिको सामना गर्नुपर्ला । पारिवारिक जीवनमा पनि अशान्तको वातावरण हुँदा मनमा निराशा छाउनेछ । आफ्नो मनोरञ्जनमा धेरै रकम खर्च हुन सक्छ । विद्यार्थी वर्गका लागि पनि कष्टपूर्ण रहेको छ । 

कर्कटः तपाईँमा उग्रता बढ्दा कसैसँगको सम्बन्ध बिग्रने डर छ । थोरै संयम रहँदा नै फाइदा पुग्छ । नोकरी र व्यवसायमा बढोत्तरी हुनेछ । पारिवारिक जीवन शान्ति र सद्भावपूर्ण रहनेछ । यस अवधिमा स्वास्थ्य अवस्था बिग्रन सक्छ । परीक्षार्थीहरुको प्रदर्शन पनि राम्रो रहनेछ । सवारीसाधन सावधानीपूर्वक हाँक्नुस् । सामान्य रुपमा पनि धन लाभ हुन्छ र घरको सजावटमा रकम खर्च हुन्छ । 

सिंहः फजुल खर्च र अनावश्यक यात्रा नगरेकै राम्रो हुनेछ । पारिवारिक जीवनमा सद्भाव र शान्ति बनिरहनेछ । मनोविज्ञान जस्तो विषयमा तपाईँको समय व्यतित हुनेछ । धार्मिक कार्यमा पनि बढी सहभागी हुने अवसर छ । सन्तान हुनेहरुले उनीहरुको शारीरिक समस्याको सामना गर्नुपर्नेछ । नोकरी र व्यवसायमा अचानक उतारचढाव देख्न पाइनेछ । 

कन्याः तपाईँले आफ्नो कार्यक्षेत्रमा विशेष ध्यान पुर्याउनुपर्ने देखिन्छ । व्यस्तता धेरै हुँदा शारीरिक समस्या निम्तिन सक्छ । पारिवारिक सम्बन्ध राम्रो रहनेछ भने स्वास्थ्यमा समस्या देखिन सक्छ । नोकरी परिवर्तन हुने योग पनि छ । सन्तानहरुले पढाइमा राम्रो गर्नेछन् । खर्चमा कमी आउँदा लाभ पनि हुने देखिन्छ । 

तुलाः यो समय खर्च बढ्नेछ र आम्दानी पनि सामान्य रहनेछ । आफूभन्दा अग्रजको स्वास्थ्यमा समस्या आउन सक्छ । परिवारकै व्यक्तिसँग मतभेद हुने हुँदा संयम अपनाउनुस् । विदेशमा गएर पढ्ने योजना बनाएकाका लागि राम्रो छ । नोकरी र व्यवसायमा सोचेको अनुसार सफलता पाइनेछ । विद्यार्थी वर्गका लागि पनि चुनौतीको समय छ । 

वृश्चिकः धन लाभ हुने र आम्दानीको नयाँ स्रोत देखिने सम्भावना छ । यो अवधिमा महत्त्वाकांक्षा पूरा हुँदा मन प्रसन्न रहनेछ । कार्यस्थलमा कुनै गुप्त षड्यन्त्रको सामना गर्नबाट बच्नुस् । अचानक धन हानी हुने हुँदा समस्या उत्पन्न हुन सक्छ । तपाईँको साहस भने बढ्नेछ । पारिवारिक जीवन पनि सामान्य नै रहेको छ । 

धनुः तपाईँको लागि अनेक यात्राको योग छ । अग्रजसँगको सम्बन्ध पहिलेको तुलनामा सुधार हुनेछ । पारिवारिक जीवन सुखमय रहनेछ । चल–अचल सम्पत्ति र धन लाभको योग छ । तपाईँ आफ्ना विरोधीमाथि हाबी रहनु हुनेछ । छात्रछात्राका लागि पनि समय राम्रो छ । विदेशबाट लाभ हुने सम्भावना पनि छ । 

मकरः यो अवधि व्यावसायिक साझेदारी र विदेशी सम्बन्धबाट लाभ हुने योग छ । पारिवारिक जीवनमा भने अशान्ति निम्तिन सक्छ । परिवारका सदस्यको स्वास्थ्य समस्याले सताउनेछ । नोकरी र व्यापारमा स्तर वृद्धि हुनेछ । विद्यार्थी वर्गले मेहनत गर्दा त्यसै अनुसारको फल प्राप्त गर्नेछन् । सबै क्षेत्रमा आफन्तकै सहयोग पाइनेछ । 

कुम्भः यो अवधिमा तपाईँको कामको चर्चा हुनेछ र सम्मानित पनि हुने योग छ । कार्यक्षेत्रमा उतारचढाव भए पनि मेहनतको असर देखिनेछ । केही कारणले पारिवारिक जीवन भने अशान्तिपूर्ण रहनेछ । कतैबाट शुभ समाचार सुन्न पाइएला । दिनचर्या पनि केही व्यस्त रहनेछ । सन्तान पक्ष र विद्यार्थी वर्गका लागि समय अनुकुल छ । 

मीनः घरपरिवारमा कुनै उत्सव र समारोह सम्पन्न हुने सम्भावना छ । कार्यक्षेत्रमा प्रगति, आम्दानीमा वृद्धि र धन लाभ पनि हुनेछ । घरमा आफन्तको ओहोरदोहोर चल्नेछ । पारिवारिक जीवनमा सद्भाव र शान्ति बनिरहनेछ । वाहन खरिद गर्ने योग पनि रहेको छ । विद्यार्थी वर्गले सफलता हात पर्ने सम्भावना छ ।

...

Narayan Regmi (Astrologer)

Cell Number / Viber : +977-9841408743, Nepal

Gmail- [email protected]

Facebook- https://www.facebook.com/narayan.regmi.3152

Gmail- [email protected]

         - [email protected]