(Japan) 29 th January | 2020 | Wednesday | 6:11:23 AM || (Nepal) 2:56:23 AM
 
 

सन् २०२० को वार्षिक राशिफल

  POSTED ON : Sunday, 29 December, 2019 | Views : 1644

सन् २०२० को वार्षिक राशिफल


मेषः जिद्दी स्वभावबाट बच्नुस्

कार्य क्षेत्रमा उन्नति हुनेछ र सफलता प्राप्त गर्नुहुनेछ । आर्थिक पक्ष पनि बिस्तारै सुधारिने सम्भावना रहेको छ ।

तपाईँको स्वास्थ्यमा यो वर्ष सकारात्मक परिवर्तन देख्न सकिनेछ । परिवारजनमा तपाईँले निभाउने भूमिकाले तपाईँले आनन्दा प्रदान गर्नेछ ।

यात्रा गर्दा केही समस्या झेल्नुपर्ने देखिन्छ, अति आवश्यक समयमा मात्र यात्रामा निस्कनुस् । 


वृषः नयाँ योजनाबाट लाभ हुनेछ 

यो वर्ष तपाईँको कार्य क्षेत्रमा विशेष उन्नति हुनेछ । यो वर्ष सुरु गरिएको योजनाले लामो समयसम्म फाइदा दिनेछ ।

कुनै ठाउँमा गरिएको लगानी तपाईँका लागि शुभ स्थिति लिएर आउन सक्छ र जीवनमा वृद्धि हुनेछ । यो पूरै वर्ष शरीरमा पनि सकारात्मक परिवर्तन देखिनेछ ।

प्रे प्रसङ्ग र आपसी सम्बन्धमा सौहार्दता रहिरहनेछ । तर यो वर्ष गरिएको यात्राबाट कुनै विशेष फल पाइने देखिँदैन । व्यर्थको यात्राबाट बच्नुस् ।

परिवारमा पनि एक्लोपनाको महसुस हुनेछ । वर्षको अन्त्यमा केही शुभ समाचार सुन्न पाइएला । 



मिथुनः कार्य क्षेत्रमा महिलासँग सम्हालिएर व्यवहार गर्नुस् 

नयाँ वर्षमा आर्थिक विषयमा तपाईँको सधैँ राम्रो स्थिति बनिरहनेछ । कतैबाट राम्रो धनराशि हात पार्ने योग रहेको छ ।

स्वास्थ्यमा पनि रामै्र नतिजा देखिनेछ । तपाईँले एक नयाँ स्फुर्ति र ऊर्जा महसुस गर्नुहुनेछ ।

कार्य क्षेत्रमा विशेषगरी महिला सहकर्मीसँग विवाद बढ्ने आशंका रहेको छ, तपाईँले समझदारीपूर्वक व्यवहार गर्नुपर्ने हुन्छ । यो वर्ष यात्रा गर्दा सकारात्मक फल प्राप्त गर्नुहुनेछ ।

वर्षको सुरुवातमा परिवारसँग मतभेद बढ्ने सम्भावना छ तर वर्षको उत्तरार्धमा स्थिति अनुकुल हुनेछ । 


कर्कटः आर्थिक पक्षमा यो वर्ष शुभ 

यो वर्ष तपाईँका लागि आर्थिक पक्षमा निकै राम्रो रहेको छ । आर्थिक पाटोमा सुधार हुनेछ, महिला वर्गको सल्लाहले तपाईँको आयमा वृद्धि हुनेछ ।

यात्राका लागि पनि यो वर्ष शुभ संयोग बन्नेछ र सफलता पनि हात पर्नेछ । कार्य क्षेत्रमा भावनात्मक रुपमा तनावको स्थिति सिर्जना हुनेछ र कार्यसम्पदानमा ढिलाइ हुनेछ ।

प्रेम सम्बन्ध मधुर छ तर विगतका कुरा सोच्न छोडेर भविष्यको बारेमा धेरै सोच्दा फाइदा हुनेछ ।

आफ्नो स्वास्थ्यमा यो वर्ष अलि ध्यान दिनपर्ने देखिन्छ । परिवारसँग धेरै समय बिताउनु अनुकुल हुनेछ । 


सिंहः मनको कुरा सुन्नुस्, प्रगति गर्नुस्

यो वर्ष तपाईँका लागि समृद्धिपूर्ण छ, लगानी गरिएको क्षेत्रबाट राम्रै परिणाम पाइनेछ । आर्थिक वृद्धिको लागि शुभ सङ्केत रहेको छ ।

परिवारिक माहोल पनि बिस्तारै अनुकुल हुँदै जानेछ । यो वर्ष कार्य क्षेत्रमा तपाईँको स्थिति सामान्य रहेको छ तर आफ्नो मनको कुरा सुनेर अघि बढ्दा धेरै सफल हुनुहुनेछ ।

स्वास्थ्यमा ध्यान दिनु आवश्यक छ, खानपानमा नियन्त्रण नगर्दा पेटसम्बन्धी रोगले सताउला । प्रेमसम्बन्धमा कुराकानीबाट नै स्थितिलाई अनुकुल बनाउन सकिन्छ ।

केही वृद्ध व्यक्तिका कारण आपसी मतभेद उत्पन्न हुनसक्छ । यात्राको लागि त्यति अनुकुल देखिँदैन, अवस्था हेरेर यात्रा गर्न सुझाव छ । वर्षको अन्तयतिर सबै स्थिति सुधारोन्मुख हुने सम्भावना छ । 


कन्याः कार्य क्षेत्रमा उन्नति हुनेछ

यो वर्ष कार्य क्षेत्रमा उन्नति हुनेछ र जीवनमा सफलता हात पार्नु हुनेछ । साझेदारीमा गरिएको योजनाबाट राम्रो परिणाम आउनेछ ।

वर्ष बित्दै जाँदा आर्थिक वृद्धि पनि हुँदै जानेछ । स्वास्थ्यमा समस्या निम्तिने छैन ।

परिवारमा सुखद् समारोहको योग छ, परिवारमा कसैको विवाह लगायतको शुभ कार्य हुने योग छ ।

यस वर्षका यात्रामा साधारण सफलता प्राप्त गरिनेछ । प्रेम सम्बन्धमा थोरै ध्यान राख्नुपर्ने देखिन्छ । अदालती प्रक्रियामा यो वर्ष झन्झटिलो देखिन्छ । 


तुलाः कार्य क्षेत्रमा अघि बढिनेछ

आर्थिक पक्ष तपाईँका लागि शुभ रहेको छ । यो वर्ष राम्रो ठाउँमा लगानी गर्दा धेरै फाइदा हात पार्न सकिनेछ ।

कार्य क्षेत्रमा अघि बढ्न धेरै मौका प्राप्त हुनेछ । कुनै पनि काम समयमै पूरा हुने र धेरै सफलता हासिल गर्ने योग छ ।

प्रेम सम्बन्ध सुमधुर र जीवनसाथीसँगको समय सुख र शान्तिसँग बित्नेछ । परिवारलाई पनि आफूप्रति आकर्षित गर्न सकिनेछ ।

यो वर्ष अत्यावश्यक यात्राबाहेक बाहिर ननिस्किनु नै लाभदायी छ । यो वर्ष तपाईँको स्वास्थ्यमा पनि सुधार आउनेछ ।


वृश्चिकः कार्य क्षेत्रमा क्रमशः उन्नति

आर्थिक पक्षलाई हेर्ने हो भने यो वर्ष तपाईँको लागि शुभ छ । कसैको राम्रो सल्लाह र साथमा तपाईँले आफ्नो आयमा वृद्धि गर्न सक्नु हुनेछ ।

तपाईँको स्वास्थ्य पनि सुधारोन्मुख रहेको छ । परिवारमा सुख र सौहार्दता बढ्नेछ, प्रेम सम्बन्ध पनि सुमधुर हुनेछ ।

सन्तानसम्बन्धी राम्रो समाचार पनि सुन्न पाइएला । भविष्यतर्फ ध्यान दिएर यात्रा गर्दा अवश्य सफलता पाइनेछ ।

वर्षको अन्त्यतिर केही तनावग्रस्त स्थिति सिर्जना हुने आशंका छ, सचेत रहनुहोला । 


धनुः यात्राबाट लाभ होला

परिवारमा राम्रो समाचार सुन्न पाइएला, सन्तानसम्बन्धी शुभ समाचारको योग रहेको छ । आफ्नो घरको केही सजावटमा पनि परिवर्तन गर्न सक्नु हुनेछ ।

आपसी प्रेम र सौहार्दता बढ्नेछ । यात्राबाट लाभ पाइनेछ र यो वर्षभरिकै यात्रा शुभदायक रहेको छ ।

स्वास्थ्यमा पनि यो वर्ष सुधार देखिनेछ । कार्य क्षेत्रमा औसत अवस्था रहनेछ । कतै फाइदा हुनेछ त कतै नोक्सान हुनेछ ।

आर्थिक पक्षमा पनि साधारण सुधार होला । लापर्वाही नगर्दा राम्रो स्थिति बन्ने योग छ । 


मकरः जिद्दीपना त्याग्नुस्

यो वर्ष तपाईँका लागि प्रेम सम्बन्धमा शुभ संयोग बनिरहनेछ । प्रेममा प्रगाढता बढ्नेछ र सम्मान पनि पाइनेछ ।

यात्राको लागि पनि यो समय निकै अनुकुल छ । परिवारमा पनि क्रमशः स्थिति राम्रो बन्दै जानेछ । परिवारमा आपसी प्रेम बनिरहनेछ ।

परिवारका कोही सदस्य तपाईँको दायराबाट बाहिर जान चाहन्छ भने जान दिनुस्, यसमै तपाईँको भलाइ छ । कार्य क्षेत्रमा बातचितले नै स्थिति तपाईँको पक्षमा आउला ।

जिद्दी बन्दा घाटा बेहोर्नुपर्ला । यो वर्ष व्यय पनि अलि धेरै हुनेछ । आफ्नो स्वास्थ्यमा पनि ध्यान राख्नुपर्नेछ । 


कुम्भः कार्य क्षेत्रमा उन्नति

कार्य क्षेत्रमा उन्नति हुनेछ र निर्णय लिन पनि सक्षम भइनेछ । तपाईँको आफ्नो व्यक्तित्वद्वारा मानिसहरुलाई आफूतिर प्रभावित पार्न र कार्यसम्पादनमा सक्षम देखिनु हुनेछ ।

आर्थिक स्थितिमा वृद्धि भए पनि लगानी गर्दा भने तपाईँ द्विविधामा पर्नुहुनेछ । स्वास्थ्यमा धेरै सुधार आउने सम्भावना रहेको छ ।

आफ्नो स्वास्थ्यप्रति जागरुक हुनुहुनेछ । परिवारमा सुख, सौहार्दको माहोल बन्नेछ र कसैले तपाईँलाई शुभ समाचार सुनाउनेछ । प्रेम सम्बन्धमा धेरै आशंका गर्दा सम्बन्धमा खटपट देखिनेछ ।

यो वर्ष यात्राको लागि राम्रो समय छैन । महत्व हेरेर विचार गर्नुस् । 


मीनः सकारात्मक परिवर्तन हुनेछ 

धन वृद्धिको शुभ संयोग बन्नेछ र वर्षभरि नै सकारात्मक परिवर्तनको महसुस गर्नुहुनेछ । यो वर्ष लगानी गर्दा संयम र कुशल भूमिका निभाउँदा शुभ फल प्राप्त हुनेछ ।

परिवारमा परस्पर आदर, प्रेम र प्रगाढता बढ्नेछ । यो समय यात्राको लागि पनि शुभ छ । स्वास्थ्यमा सुधारको योग छ ।

कार्य क्षेत्रमा केही कष्ट हुनसक्छ र कोही पिता उमेरको व्यक्ति तपाईँको चिन्ताको कारण बन्न सक्नेछ ।

प्रेम सम्बन्ध सुमधुर रहनेछ र महिला वर्गको मद्दतबाट तपाईँको प्रेम सम्बन्धको स्थिति उत्तम बन्नेछ ।


Narayan Regmi (Astrologer)

Cell Number / Viber : +977-9841408743, Nepal

Gmail- [email protected]

Facebook- https://www.facebook.com/narayan.regmi.3152

Gmail- [email protected]

         - [email protected]