टोकियो ।
यसै महिनाको १७ तारिख आईतबार हुन लागेको आठौं संस्करणको जापानी भाषा वक्तृत्वकला प्रतियोगिताको अन्तिम प्रतिस्पर्धाको लागि १४ जना छनौट भएका छन् ।
नेपाकेन (नेपाल जापान अध्यायन केन्द्र) को आयोजनामा हुन लागेको जापानी भाषा वक्तृत्वकला प्रतियोगिताको तयारीका क्रममा केन्द्रले आवेदक मध्येबाट १४ जनाको नाम छनौट गरेको जनाएको छ ।
जापानमा अध्ययनरत नेपाली विद्यार्थीहरुको जापानी भाषामा अभिवृद्धि गर्ने उदेश्य सहित आयोजना हुँदै आएको वतृत्वकला प्रतियोगितामा यसपटक बिजेताले प्रथम पुरस्कार ५० हजार जापानी येन सहित सम्मानपत्र पाउनेछ ।
यसैगरि द्धितियले ३० हजार तथा तृतिय हुनेले २० हजार नगद जापानी येन पाउने आयोजकले बताएको छ । यसबाहेक उपस्थित दर्शकको रोजाइमा पर्ने प्रस्तोताले अडियन्स पुरस्कार १० हजार येन पाउने भएको छ ।
प्रतियोगिता मार्च १७ तारिख दिउँसो १ बजेबाट टोकियोको रिस्योउ विश्वविद्यालयको सभाहलमा हुने भएको छ ।
मिति : २०१९-०३-१७ आईतबार
समय : १३:०० - १६:०० सम्म
स्थान : रिस्स्यो दाईगाकु सिनागावा क्याम्पस १४१-८६०२ टोक्यो तो सिनागावा कु ओसाकी ४-२-१६ ९ गोउकान चिखा २खाई