एजेन्सी ।
सोमालियामा त्यहाँको मुस्लिम अतिवादी समूह अलसबाबका कमाण्डरको मृत्यु भएको छ ।
सोमालियाको राष्ट्रिय रेडियोले बिहीबार भएको कारबाहीका क्रममा अल सबाबका लडाकुलाई तालिम दिने असरफ आज्मी अबु हामदान मारिएको बताएको छ ।
सोमालियाका सुरक्षा फौजको कारवाहीमा मारिएका असरफ नेपाली भएको रोयटर्स समाचार संस्थाले उल्लेख गरेको छ ।
हमदान सहित तीनजना लडाकुको दक्षिण सोमालियाको मध्य जुबा क्षेत्रमा ड्रोन आक्रमणमा मृत्यु भएको हो ।
समाचारमा असरफ अलसबाब इस्लामिस्ट समूहका बरिष्ठ लडाकु प्रशिक्षक भएको दाबी गरिएको छ ।
हमदानको मृत्युको समाचार बेलायती समाचार संस्था रोयटर्स सहित न्युयोर्क टाईम्स लगायत दर्जनौं अन्तर्राष्ट्रिय समाचार संस्थाले प्रकाशित गरेका छन् ।
सोमालियामा आफ्नै मुस्लिम सरिया कानुन स्थापनाको नाममा भइरहेको अतिवादी समुह अलसबाबको सम्पर्कमा नेपाली नागरिक हमदान कसरी पुगे भन्नेबारे केही खुलेको छैन ।
साथै उनको नेपालको परिचय बारे केही विवरण सार्वजनिक हुन सकेको छैन ।