टोकियो ।
जापानले उत्तर कोरियामाथि लगाउँदै आएको व्यापार सहित अन्य प्रतिवन्धलाई थप दुई बर्ष बढाउने निर्णय गरेको छ ।
प्रधानमन्त्री शिन्जो आबे नेतृत्वको मन्त्रिमण्डलले मंगलबार उत्तर कोरियामाथिको प्रतिवन्ध बढाउने निर्णय गरेको हो ।
जापानले उत्तर कोरियामाथि लगाएको व्यापार प्रतिवन्ध आगामी शनिवार समाप्त हुन लागेको थियो ।
यसको साथै उत्तर कोरियाली जहाँज तथा उत्तर कोरियामा अवतरण भएर आउने सबै बिदेशी जहाँजलाई जापानी बन्दरगाह आउन रोक लगाईएको प्रतिवन्ध समेत शनिवार सकिंदै थियो ।
यस्तो प्रतिवन्ध जापानले सन् २००६ मा उत्तर कोरियाले परमाणु परिक्षण तथा व्यालेस्टिक क्षेप्यास्त्र प्रक्षेपण गरेपछि लगाएको थियो ।
जुन जापानले एकपक्षिय रुपमा उत्तर कोरियामाथि लगाएको आर्थिक तथा अन्य नाकाबन्दीहरु मध्येको एक हो ।