(JAPAN) 18 th November | 2019 | Monday | 5:39:00 PM
(Nepal) 18 th November | 2019 | Monday | 2:24:00 PM
 

जापान आँधी असर- मृत्यु हुनेको संख्या ७३ पुग्यो, १४० स्थानमा पहिरो (अपडेट)

Laxmi Paudel   POSTED ON : Tuesday, 15 October, 2019 | Views : 177

जापान आँधी असर- मृत्यु हुनेको संख्या ७३ पुग्यो, १४० स्थानमा पहिरो (अपडेट)


टोकियो, जापान ।

जापानमा बिनासकारी आँधीमा परेर ज्यान गुमाउनेको संख्या मंगलबार अबेर रातीसम्ममा ७३ पुगेको छ ।

समाचार संस्था एनएचकेर्वल्डले अनलाईन संस्करणमा उल्लेख गरे अनुसार ताईफुमा परेर अझै दर्जन बढी व्यक्ति हराईरहेका छन् ।

ताईफुबाट सबैभन्दा बढी प्रभावित फुकुसीमा प्रिफेक्चर रहेको र त्यहाँ मात्रै हालसम्म २५ जनाको मृत्यु भएको पुष्टि अधिकारीहरुले गरेका छन् ।

मत्यु भएकामा एकैपरिवारका आमा र छोरा रहेको र मृतक महिलाको अर्को सानो छोराको अझै पत्ता लाग्न सकेको छैन ।

ताईफुबाट प्रभावित ११ प्रिफेक्चरमा गरेर १ सय ४० स्थानमा पहिरो गएको छ । गुन्मा प्रिफेक्चरमा पहिरोले घर पुरिँदा एकै स्थानमा कम्तिमा ४ जनाले ज्यान गुमाएका थिए ।

जापानी समाचार संस्था क्योदोले उद्दार टोलीहरुसँग लिएको विवरण अनुसार मृत्यु हुनेको संख्या ६४ पुगेको उल्लेख गरेको छ ।

समाचारमा अझै १५ जना बेपत्ता भएको पाईएको र मृत्यु हुनेको संख्या अझै बढ्ने आशंका गरिएको छ ।

...

तीन दिन अघि जापानमा आएको आँधीमा परेर मंगलबार अपरान्हसम्ममा मृत्यु हुनेको संख्या ६४ पुगेको छ ।

जापानी समाचार संस्था क्योदोले उद्दार टोलीहरुसँग लिएको विवरण अनुसार मृत्यु हुनेको संख्या ६४ पुगेको उल्लेख गरेको छ ।

समाचारमा अझै १५ जना बेपत्ता भएको पाईएको र मृत्यु हुनेको संख्या अझै बढ्ने आशंका गरिएको छ ।

यसैबिच हागीबिस ताईफुमा क्रममा मुसलधारे बर्षा तथा बाढी मानववस्तीमा पस्दा १० हजार घर डुबानमा परेको समाचार संस्था एनएचके टेलिभिजनले उल्लेख गरेको छ ।

मंगलबार अपरान्हसम्मपनी राजधानी टोकियो सहित आसपासका ११ प्रिफेक्चरमा गरेर बाढी पसेका १० हजार घर बस्न अयोग्य पाईएको समाचारमा उल्लेख छ ।

यस्तै ताईफुका कारण विद्युत् प्रशारण लाईनमा पुगेको क्षती मर्मत गर्न अझै एकहप्ता लाग्ने भएको छ ।

मंगलबार मध्यान्हसम्ममा ३४ हजार घर विद्युत् विहिन रहेको र विद्युत् प्रशारणमा भएको क्षती मर्मत तथा चेकजाँचको काम तिब्र रुपमा अघि बढाईएको अधिकारीहरुले बताएका छन् ।

क्षतिग्रस्त विद्युतीय संरचना मर्मत गरेर सबै घरहरुमा विद्युत् आपुर्ती हुन अझै कम्तीमा एकहप्ता लाग्ने सम्वन्धित अधिकारीहरुलाई उदृत गर्दै समाचार संस्था क्योदोले आफ्नो अनलाईन संस्करणमा लेखेको छ ।

ताईफुकै कारण प्रभावित क्षेत्रमा करिव २ सय बाल स्याहार केन्द्रहरु सञ्चालन आउन सकेका छैनन् ।

रेल सेवा सोमबारबाटै अधिकाशं सञ्चालनमा आएपनि बाढीले डुबाएका बुलेट रेलहरु तथा क्षतीग्रस्त संरचना मर्मतको काम भईरहेको समाचार संस्थाहरुले उल्लेख गरेका छन् ।

फुकुसिमा, नागानो लगायत क्षेत्रमा बाढी सहित पहिरोले क्षती पुर्याएका रेलका संरचना पुर्ननिर्माण हुने क्रममा रहेकाले सो क्षेत्रमा नियमीत रेलसेवा सञ्चालनको लागि अझै केहीदिन लाग्ने ठानिएको छ ।