साईतामा, जापान ।
साईतामा प्रिफेक्चरमा बिसाक्त खानाले ३५ सयजना भन्दा धेरै बिद्यार्थी र शिक्षकहरु बिरामी परेका छन ।
साईतामाको यासिओका एक दर्जन भन्दा बढी सार्वजनिक बिद्यालयहरुमा आम रुपमा खाना खराब पर्दा प्रकोपको रुपमा हजारौमा झाडापखाला र पेट दुखाइको समस्या देखिएको हो ।
साईतामा प्रिफेक्चरका अधिकारिहरुले बिहीबार शहरको १५ वटा सार्वजनिक ‘इलिमेन्टरी’ बिद्यालयमा बिसाक्त खानाले ९२ हजार ब्यक्ति प्रभाबित बनेको बताएका छन ।
अधिकारिहरुले विद्यालयका ३४ सय ५३ जना शिक्षक र बिद्यार्थी बिरामी भएको पुष्टि गरेका छन ।
‘टिक्युसी कोअपरेटिभ’ नामको ‘लन्च’ आपुर्ती गर्ने कम्पनिको खाना खाएकाहरु बिरामी भएको पाइएको जापानी समाचार सस्थाहरुले खबर प्रकाशित गरेका छन ।
बिरामी हुनेहरुमा २ हजार बढी जना ‘ईलिमेन्टरी स्कुल’ र १ हजार बढी ‘मिडल स्कुल’ का बालबालिकाहरु छन ।
प्रिफेक्चरले घटनाको अनुसन्धान थालिसकेको स्पस्ट पारेको छ ।
तर यसबारेमा बिसाक्त खाना आपुर्ती गरेको कम्पनिका अधिकारिहरुभने संपर्कमा आउन नमानेको रोयटर्स समाचार सस्थाले जनाएको छ ।