(Japan) 24 th January | 2021 | Sunday | 12:48:49 PM || (Nepal) 9:33:49 AM
 
 


Japansamachar COVID-19 (Coronavirus) World Live Update


Country Confirmed Today Cases Death Today Death Recovered Critical
No Record Found !
More

जापानमा कामदार अभाव टर्यो, कोरोना भाइरस बन्यो समस्या समाधान

  POSTED ON : Tuesday, 15 September, 2020 | Views : 1666

जापानमा कामदार अभाव टर्यो, कोरोना भाइरस बन्यो समस्या समाधान


टोकियो, जापान ।

चरम कामदार अभाव व्यहोर्दै आएको जापानमा तत्कालका लागि कामदार अभावको समस्या टरेको छ ।

एक सर्वेक्षणका अनुसार जापानमा कोरोना भाइरसका कारणले साना तथा मझौला कम्पनीहरुमा कामदार अभावको समस्या समाधान भएको पाइएको छ ।

जापानको वाणिज्य र उद्योग संघले फेब्रुअरी देखि मार्चसम्म गरेको सर्वेक्षणमा साना तथा मझौला कम्पनीहरुमा ६० दशमलब ५ प्रतिशत कामदारको अभाव रहेको थियो भने जुलाई देखि अगस्ट महिनासम्म घटेर ३६ दशमलब ४ प्रतिशत कामदारको अभाव रहेको पाइएको छ ।

२०१५ बाट सुरु भएको सर्वेक्षणको अनुसार पहिलो पटक होटल र रेस्टुरेन्ट क्षेत्रमा जनशक्तिको माग घटेको हो ।

उद्योग अनुसार जापानका होटल तथा रेस्टुरेन्ट क्षेत्रमा कामदारको अभाव जुलाई देखि अगस्ट महिनासम्म ७० दशमलब ३ प्रतिशतबाट घटेर ३२ दशमलब ४ प्रतिशत, यातायात क्षेत्रमा ७१ दशमलब ५ प्रतिशतबाट घटेर ४१ दशमलब ४ प्रतिशत र फ्याक्ट्रीहरुमा ५१ दशमलब ६ प्रतिशतबाट घटेर २४ दशमलब ३ प्रतिशत पुगेको हो ।

नर्शिङ्ग क्षेत्रमा भने अरु क्षेत्रमा झै त्यति नघटेको पाइएको छ । यस क्षेत्रमा ७० दशमलब २ प्रतिशतबाट घटेर ६६ प्रतिशत पुगेको छ ।

जापानको बिभिन्न प्रिफेक्चरहरु मध्ये होक्काइदो प्रिफेक्चरमा सबै भन्दा धेरै कामदारको अभाव भएको पाइएको छ । 

होक्काइदो प्रिफेक्चरका ५३ दशमलब १ प्रतिशत कम्पनीहरुमा कामदारको अभाव भएको पाइएको छ ।

सर्वेक्षणमा ६ हजार ७ कम्पनीहरु सहभागी भएका थिए भने २ हजार ९ सय ३९ कम्पनीहरुले मात्रै सही उत्तर दिएको पाइएको छ ।